நீங்கள் தேடியது "இங்கிலாந்து இந்தியா"

சவுத்தாம்ப்டனில் நடைபெற்ற 4-வது டெஸ்டில் இந்தியா 60 ரன்கள் வித்தியாசத்தில் தோல்வியடைந்து தொடரை 1-3 என இழந்துள்ளது. விராட் கோலி, ரகானே, புஜாரா ஆகியோர் சிறப்பாக விளையாடிய போதிலும், ஆல்ரவுண்டர் ஹர்திக் பாண்டியா மோசமான ஆட்டத்தை வெளிப்படுத்தினார்.

முதல் இன்னிங்சில் 4 ரன்னில் ஆட்டமிழந்த ஹர்திக் பாண்டியா 2-வது இன்னிங்சில் ரன்ஏதும் எடுக்காமல் டக்அவுட் ஆனார். இந்திய அணியின் வேகப்பந்து வீச்சு ஆல்ரவுண்டராக எதிர்பார்த்த ஹர்திக் பாண்டியா சொதப்பியதால், முன்னாள் வீரர்கள் கடும் கண்டனம் தெரிவித்து வருகின்றனர்.

இந்நிலையில் நீங்கள் வேண்டுமென்னால் ஹர்திக் பாண்டியாவை ஆல்ரவுண்டர் என்று அழைத்துக் கொள்ளுங்கள் என்று கவாஸ்கர் கடுமையாக சாடியுள்ளார்.

இதுகுறித்து கவாஸ்கர் கூறுகையில் ‘‘சவுத்தாம்ப்டன் ஆடுகளத்தில் பந்துகள் இங்கிலாந்து பந்து வீச்சாளர்கள் எதிர்பார்த்த அளவுக்கு ஸ்விங் ஆகவில்லை என்பதை கவனித்தேன். எட்ஜ்பாஸ்டன், லார்ட்ஸ் மைதானத்தில் பந்துகள் பந்து வீச்சாளர்கள் சொல்படி, கேட்டு ஸ்விங் ஆகும். இதனால், பேட்ஸ்மேன்கள் எதிர்கொண்டு விளையாடுவது கடினமாக இருக்கும். ஆனால், சவுத்தாம்ப்டனில் அந்த வகையில் பேட்மேன்களுக்கு தொந்தரவில்லாத ஆடுகளமாக இருந்தபோது, தொடக்க ஆட்டக்காரர்கள் நிலைத்து விளையாடி இருக்க வேண்டும்.

இன்னும், இந்திய வீரர் ஹர்திக் பாண்டியாவை ஆல்ரவுண்டர் என்று கூப்பிட வேண்டுமா?. நீங்கள் வேண்டுமானால், ஹர்திக் பாண்டியா ஆல்ரவுண்டர் என்று கூப்பிடுங்கள், யார் வேண்டுமானாலும் கூப்பிடுங்கள். ஆனால், நான் ஹர்திக் பாண்டியா ஆல்ரவுண்டராகவே நினைக்கவில்லை’’ என்றார்.



ஹர்திக் பாண்டியா ஏதாவது ஒரு போட்டியில் சிறப்பாக பந்து வீசுவதையும், பேட் செய்வதையும் பார்த்து அவரை கபில்தேவுக்கு ஒப்பாகப் பேசினார்கள். ஆனால், கபில்தேவின் சாதனையை எட்ட இன்னும் ஏராளமான தொலைவை கடக்க வேண்டும் என்று எதிர்ப்பு கிளம்பியதும் அந்த பேச்சு அடங்கியது.

அதற்கு ஏற்றார்போல், ஹர்திக் பாண்டியாவும் இங்கிலாந்துக்கு எதிரான டெஸ்ட் தொடரில் சொதப்பினார். பின் 3-வது டெஸ்ட் போட்டியில் விக்கெட்டுகள் எடுத்தவுடன் மீண்டும் ஹர்திக் பாண்டியாவை கபில்தேவுடன் ஒப்பிட்டுப் பேசினார்கள். அப்போது கருத்துத் தெரிவித்த ஹர்திக் பாண்டியா, நான் கபில்தேவாக மாறவில்லை, நான் ஹர்திக் பாண்டியாவாகவே இருக்கப் போகிறேன் என்று தெரிவித்திருந்தார். அவர் சொன்னதை சவுத்தாம்ப்டன் டெஸ்ட் போட்டியில் ஹர்திபாண்டியா நிரூபித்துவிட்டார்.

உலகக் கோப்பை மகளிர் ஹாக்கி தொடர் இங்கிலாந்தில் இன்று தொடங்கியது. முதல் ஆட்டத்தில் ‘பி’ பிரிவில் இடம்பிடித்துள்ள போட்டியை நடத்தும் இங்கிலாந்து - இந்தியா அணிகள் மோதின.

முதல் 15 நிமிடத்தில் இரு அணி வீராங்கனைகளும் கோல் அடிக்கவில்லை. 2-வது காலிறுதி நேரத்தில் ஆட்டத்தின் 26-வது நிமிடத்தில் இந்தியா முதல் கோல் அடித்தது. நேகா கோயல் கோல் அடிக்க இந்தியா 1-0 என முன்னிலைப் பெற்றது.



54-வது நிமிடத்தில் இங்கிலாந்து கோல் அடித்தது. இதனால் ஸ்கோர் 1-1 என சமநிலைப் பெற்றது. அதன்பின் கடைசி 7 நிமிடத்தில் இரு அணிகளும் கோல் அடிக்காததால் ஆட்டம் 1-1 என டிராவில் முடிந்தது. இந்தியா அடுத்த போட்டியில் வருகிற 26-ந்தேதி அயர்லாந்தை எதிர்கொள்கிறது.

3 ஒருநாள் போட்டியில் நாட்டிங்காமில் நடந்த முதல் போட்டியில் இந்தியா 8 விக்கெட் வித்தியசத்திலும், லண்டனில் நடந்த 2-வது ஆட்டத்தில் இங்கிலாந்து 86 ரன் வித்தியாசத்திலும் வெற்றி பெற்றன. இதனால் தொடர் 1-1 என்ற கணக்கில் சமநிலையில் உள்ளது.

இந்தியா- இங்கிலாந்து அணிகள் மோதும் 3-வது மற்றும் கடைசி ஒருநாள் போட்டி லீட்ஸ் மைதானத்தில் நாளை (17-ந்தேதி) நடக்கிறது.

20 ஓவர் தொடரை வென்றது போல் ஒருநாள் தொடரையும் கைப்பற்றும் ஆர்வத்தில் இந்திய அணி உள்ளது. 20 ஓவர் தொடரை இழந்ததால் ஒருநாள் தொடரையாவது வென்றுவிட வேண்டும் என்ற வேட்கையில் இங்கிலாந்து இருக்கிறது.

இரு அணிகளும் சமபலத்துடன் திகழ்கிறது. ஒருநாள் தொடரை வெல்லப்போவது யார்? என்று ஆவலுடன் எதிர்பார்க்கப்படுகிறது.

கடந்த போட்டியில் இந்திய அணியின் பேட்டிங் மற்றும் பந்துவீச்சில் ஏமாற்றம் காணப்பட்டது. தொடக்க ஜோடியான ரோகித் சர்மா-தவானின் ஆட்டத்தை பொறுத்தே அணியின் ரன் குவிப்பு இருக்கும். இதில் தவான் சிறந்த ஆட்டத்தை வெளிப்படுத்தவில்லை. இதேபோல ராகுலும் அதிரடியாக ஆட வேண்டிய நெருக்கடியில் உள்ளார்.

பந்துவீச்சில் சுழற்பந்து வீரர் குல்தீப் யாதவ் நல்ல நிலையில் உள்ளார். அவர் 2 ஆட்டத்தில் 9 விக்கெட் எடுத்துள்ளார். மற்றொரு சுழற்பந்து வீரர் யசுவேந்திர சாஹல் தாக்கத்தை ஏற்படுத்தவில்லை. பும்ரா இல்லாததால் வேகப்பந்தில் பலவீனம் காணப்படுகிறது.

இங்கிலாந்து அணியில் பேட்டிங்கில் ஜோரூட், ஜேசன் ராய் ஆகியோரும், பந்துவீச்சில் டேவிட் வில்லி, ஆதில் ரஷீத் ஆகியோரும் நல்ல நிலையில் உள்ளனர்.

இரு அணிகளும் நாளை மோதுவது 99-வது போட்டியாகும். இதுவரை நடந்த 98 ஆட்டத்தில் இந்தியா 40-ல், இங்கிலாந்து 53-ல் வெற்றி பெற்றுள்ளன. 2 ஆட்டம் ‘டை’யில் முடிந்தது. 3 போட்டி முடிவு இல்லை.

நாளைய ஆட்டம் இந்திய நேரப்படி மாலை 5 மணிக்கு தொடங்குகிறது. சோனி சிக்ஸ் டெலிவிசனில் இந்தப்போட்டி நேரடியாக ஒளிபரப்பு செய்யப்படுகிறது.

இரு அணிகள் இடையேயான மூன்று 20 ஓவர் தொடரில் மான்செஸ்டரில் நடந்த முதல் ஆட்டத்தில் இந்தியா 8 விக்கெட் வித்தியாசத்திலும், கார்டியாவில் நடந்த 2-வது போட்டியில் இங்கிலாந்து 5 விக்கெட் வித்தியாசத்திலும் வெற்றி பெற்றன. இதனால் தொடர் 1-1 என்ற கணக்கில் இருக்கிறது.

முதல் போட்டியில் சிறப்பாக ஆடிய இந்திய வீரர்கள் 2-வது ஆட்டத்தில் சொதப்பிவிட்டனர். தொடரை வெல்ல முக்கியமான போட்டி என்பதால் அனைத்து திறமைகளையும் வெளிப்படுத்த வேண்டும்.

ரோகித் சர்மா, தவான் ஜோடியின் தொடக்கம் சிறப்பாக இருந்தால் மட்டுமே அதிகமான ரன்களை குவிக்க இயலும். முதல் போட்டியில் சாதித்த ராகுல், குப்தீல் யாதவ் ஆகியோர் 2-வது போட்டியில் எந்தவித தாக்கத்தையும் ஏற்படுத்தவில்லை.

இரு அணிகளும் தொடரை வெல்ல கடுமையாக போராடும் என்பதால் இந்த ஆட்டம் விறுவிறுப்பாக இருக்கும். இரு அணிகளும் இன்று மோதுவது 14-வது ஆட்டமாகும். இதுவரை நடந்த 13 போட்டியில் இந்தியா 6, இங்கிலாந்து 7-ல் வெற்றி பெற்றுள்ளன.

இன்றைய ஆட்டம் இந்திய நேரப்படி மாலை 6.30 மணிக்கு ஒளிபரப்பு செய்யப்படுகிறது. சோனி சிக்ஸ் டெலிவிசனில் இந்தப் போட்டி நேரடியாக ஒளிபரப்பு செய்யப்படுகிறது. #T20 #ENGvIND #TeamIndia

இந்திய கிரிக்கெட் அணியின் முன்னணி வீரர்களான தவான் மற்றும் ரோகித் சர்மா ஆகியோர் நீண்ட காலமாக தொடக்க ஜோடியாக களம் இறங்கி அசத்தி வருகிறார்கள். இருவரும் தொடக்க வீரர்களாக களம் இறங்கி ஏராளமான சாதனைகள் படைத்துள்ளனர்.

நேற்று இங்கிலாந்து - இந்தியா இடையிலான முதல் டி20 போட்டி மான்செஸ்டரில் நடைபெற்றது. முதலில் களம் இறங்கிய இங்கிலாந்து 159 ரன்கள் சேர்த்தது. பின்னர் 160 ரன்கள் எடுத்தால் வெற்றி என்ற இலக்குடன் இந்தியா களம் இறங்கிறது. தவான் மற்றும் ரோகித் சர்மா ஆகியோர் தொடக்க ஜோடியாக களம் இறங்கினார்கள். இந்த ஜோடி 7 ரன்கள் எடுத்த நிலையில் இந்த ஜோடி பிரிந்தது.



இந்த 7 ரன்கள் மூலம் இருவரும் இணைந்து முதல் ஜோடிக்கு 1110 ரன்கள் குவித்துள்ளனர். இதன்மூலம் முதல் ஜோடிக்கு அதிக ரன்கள் குவித்த ஜோடி என்ற சாதனையைப் படைத்துள்ளது.

இதற்கு முன் வார்னர் - வாட்சன் ஜோடி 1108 ரன்கள் சேர்த்திருந்தது. இதை தற்போது தவான் - ரோகித் சர்மா ஜோடி முறியடித்துள்ளது. கப்தில் - வில்லியம்சன் ஜோடி 870 ரன்கள் குவித்து 3-வது இடத்தையும், அயர்லாந்தின் போர்ட்டர்பீல்டு - ஸ்டிர்லிங் ஜோடி 763 ரன்கள் குவித்து 4-வது இடத்தையும் பிடித்துள்ளது.

இங்கிலாந்து சென்றுள்ள இந்திய அணி அந்நாட்டுடன் ஐந்து டெஸ்ட், மூன்று ஒருநாள் மற்றும் மூன்று டி20 போட்டிகளில் விளையாட உள்ளது. இதற்கான இந்திய அணி கடந்த மாதம் அறிவிக்கப்பட்டது. அதற்கு முன்னதாக அயர்லாந்து அணியுடன் இந்திய அணி இரண்டு போட்டிகள் கொண்ட டி20 தொடரில் விளையாடியது. அதில் இந்தியா 2-0 என எளிதாக வெற்றி பெற்றது.

இந்நிலையில், அந்த தொடரின்போது இந்திய அணியில் இடம்பெற்றிருந்த வேகப்பந்து வீச்சாளர் ஜஸ்பிரித் பும்ரா மற்றும் ஆல்ரவுண்டர் வாஷிங்டன் சுந்தர் ஆகியோருக்கு காயம் ஏற்பட்டது. இதன் காரணமாக இங்கிலாந்து அணிக்கு எதிரான டி20 தொடரில் இருந்து இருவருக்கும் ஓய்வு அளிக்கப்பட்டுள்ளது.



பும்ராவுக்கு அயர்லாந்து அணியுடனான இரண்டாவது போட்டியின்போது இடதுகை கட்டை விரலில் காயம் ஏற்பட்டது. வாஷிங்டன் சுந்தருக்கு பயிற்சியின் போது காயம் ஏற்பட்டது.

பும்ராவிற்குப் பதில் தீபக் சாஹர் இந்திய அணியில் சேர்க்கப்பட்டுள்ளார். இவர் ஐபிஎல் தொடரில் சென்னை சூப்பர் கிங்ஸ் அணிக்காக சிறப்பான வகையில் பந்து வீசினார். மேலும், தற்போது நடைபெற்று வரும் ‘ஏ’ அணிகளுக்கு இடையிலான் முத்தரப்பு ஒருநாள் தொடரிலும் அசத்தி வருகிறார். இதனால் அவருக்கு இடம் கிடைத்துள்ளது. #JaspritBumrah #WashingtonSundar #BCCI #INDvENG #ENGvIND

புதுடெல்லி:

இந்திய கிரிக்கெட் அணி இங்கிலாந்தில் சுற்றுப்பயணம் செய்து மூன்று 20 ஓவர் போட்டி, 3 ஒருநாள்போட்டி மற்றும் 5 டெஸ்டில் விளையாடுகிறது.

இதற்காக விராட்கோலி தலைமையிலான இந்திய கிரிக்கெட் அணி இன்று டெல்லியில் இருந்து இங்கிலாந்து புறப்படுகிறது.

இந்தியா-இங்கிலாந்து இடையேயான முதல் 20 ஓவர் போட்டி ஜூலை 3-ந்தேதி நடக்கிறது. ஜூலை 12-ந்தேதி ஒருநாள் தொடரும், ஆகஸ்ட் 1-ந்தேதி டெஸ்ட் தொடரும் தொடங்குகிறது.

இங்கிலாந்துடன் விளையாடுவதற்கு முன்பு இந்திய அணி அயர்லாந்துடன் இரண்டு 20 ஓவர் போட்டியில் விளையாடுகிறது.

வருகிற 27 மற்றும் 29-ந்தேதிகளில் டுப்ளின் நகரில் இந்த போட்டிகள் நடக்கிறது. இந்திய நேரப்படி இரவு 8.30 போட்டிகள் மணிக்கு தொடங்குகிறது.

இந்திய அணி இங்கிலாந்துடன் மோதும் போட்டி விவரம் வருமாறு:-

ஜூலை.3:- முதல் 20 ஓவர் போட்டி (மான்செஸ்டர்) இரவு 10.00 மணி.

ஜூலை.6:- இரண்டாவது 20 ஓவர் போட்டி (கார்டிப்)- இரவு 10.00 மணி.

ஜூலை.8:- மூன்றாவது 20 ஓவர் போட்டி (பிரிஸ்டல்) மாலை 6.30 மணி.

ஜூலை.12:- முதல் ஒருநாள் போட்டி (நாட்டிங்காம்) மாலை 5 மணி.

ஜூலை.14:- இரண்டாவது ஒருநாள் போட்டி (லண்டன்) மாலை 3.30.

ஜூலை.17:- கடைசி ஒருநாள் போட்டி (லீட்ஸ்) மாலை 5 மணி.

ஆகஸ்ட் 1-5: முதல் டெஸ்ட் (பர்மிங்காம்).

ஆகஸ்ட் 9-13: இரண்டாவது டெஸ்ட் (லார்ட்ஸ்).

ஆகஸ்ட் 18-22: மூன்றாவது டெஸ்ட் (நாட்டிங்காம்)

ஆகஸ்ட் 30-செப்.3: நான்காவது டெஸ்ட் (சவுத்தம்டன்)

செப் 7-11: கடைசி டெஸ்ட் (ஓவல்)

டெஸ்ட் போட்டிகள் இந்திய நேரப்படி மாலை 3.30 மணிக்கு தொடங்குகிறது.

இந்திய கிரிக்கெட் அணி கேப்டனான விராட் கோலி ஐபிஎல் தொடரில் விளையாடும்போது காயம் அடைந்தார். சன்ரைசர்ஸ் ஐதராபாத் அணிக்கெதிரான ஆட்டத்தின்போது கழுத்துப் பகுதியில் காயம் ஏற்பட்டது. இதனால் கவுன்ட்டி போட்டியில் சர்ரே அணிக்காக விளையாட இருந்ததில் இருந்து விலகினார்.

தற்போது காயத்தில் இருந்து குணமாகி வருகிறார். ஜூன் 15-ந்தேதிக்குள் உடற்தகுதியை நிரூபிக்க வேண்டும் என்று பிசிசிஐ கூறியது.



இந்நிலையில் நேற்ற மும்பையில் உள்ள பந்த்ரா குர்லா காம்ப்ளக்ஸ் பெசிலிடியில் உள்ள உள்விளையாட்டு அரங்கில் பயிற்சி மேற்கொண்டார். தற்போது இலேசான பயிற்சியை மேற்கொண்டுள்ளார். இன்னும் இரண்டு மூன்று நாட்கள் கழித்து மைதானத்தில் பயிற்சி மேற்கொள்வார்.

இரண்டு வார பயிற்சிக்குப்பின் பெங்களூருவில் உள்ள கிரிக்கெட் தேசிய அகாடமியில் உடற்தகுதியை நிரூபிப்பார். அதன்பின் இங்கிலாந்து தொடருக்கான பயிற்சியை மேற்கொள்வார் என்று கூறப்படுகிறது.

இந்திய அணி இங்கிலாந்து சென்று மூன்று வகை கிரிக்கெட் தொடரிலும் விளையாட இருக்கிறது. முதலில் டி20, ஒருநாள் கிரிக்கெட் தொடர் நடைபெறுகிறது. இந்த இரண்டு தொடருக்கான இந்திய அணியில் இளம் சுழற்பந்து வீச்சாளரான வாஷிங்டன் சுந்தர் இடம்பிடித்துள்ளார்.

ஐபிஎல் தொடரில் கற்றுக்கொண்ட பாடத்தை இங்கிலாந்து தொடரில் செய்ய விரும்புகிறேன் என்று வாஷிங்டன் சுந்தர் கூறியுள்ளார்.

இதுகுறித்து வாஷிங்டன் சுந்தர் கூறுகையில் ‘‘ஐபிஎல் தொடரின் அனுபவம் மிகவும் சிறப்பானதாக இருந்தது. நேர்மையாக சொல்ல வேண்டுமெனில், ஆடும் லெவனில் இடம் பிடிப்பது தேர்வு குரூப்பைச் சார்ந்தது. ஆடும் லெவன் அணியில் இடம்பிடிக்கும்போது நான்கு வெளிநாட்டு வீரர்கள் மற்றும் அணி காம்பினேசன் மூலம் ஏராளமான விஷயங்கள் தொடர்புப்படுத்திக் கொள்ள முடியும். ஒட்டுமொத்தமாக ஏமாற்றம் ஏதும் இல்லை. ஐபிஎல் போன்ற நீண்ட தொடர்களில் விளையாடும்போது, நீங்கள் எப்படி விளையாடுகிறீர்கள் என்பதை தவிர கற்றுக் கொள்ள ஏராளமான விஷயங்கள் உள்ளன.



நான் இதற்கு முன் இங்கிலாந்து சென்று விளையாடியது கிடையாது. இதுபோன்ற கண்டிசனில் சவால்கள் சிறந்த பந்து வீச்சை வெளிக்கொண்டு வரும். நான் பெரிய அளவில் மாற்றத்தை செய்ய வேண்டும் என்று எதிர்பார்க்கவில்லை. மனதளவில் தயாராக வேண்டிய அம்சங்கள்தான் முக்கியமானது. இதை என்னால் செய்ய முடியும் என்றால், சிறப்பாக பந்து வீச முடியும் என்ற நம்பிக்கை உள்ளது’’ என்றார்.

ஐபிஎல் தொடரில் 7 போட்டிகளில் கலந்து கொண்ட நான்கு விக்கெட்டுக்கள் மட்டுமே வீழ்த்தினார்.

இந்திய கிரிக்கெட் அணியின் கேப்டனாக இருப்பவர் விராட் கோலி. இவர் இன்று காலை காயம் அடைந்தார் என்ற செய்தி வெளியானது. முதுகுத் தண்டில் லேசான காயம் ஏற்பட்டது என்றும், கழுத்துப் பகுதியில் காயம் ஏற்பட்டது என்றும் செய்திகள் வெளியாகின. இதனால் கவுன்ட்டி போட்டியில் சர்ரே அணிக்காக விளையாடுவாரா? என்ற கேள்வி எழுந்துள்ளது.

இந்நிலையில் விராட் கோலிக்கு முதுகுத் தண்டில் காயம் ஏற்படவில்லை. சன்ரைசர்ஸ் ஐதராபாத்திற்கு எதிரான கடைசி லீக் ஆட்டத்தின்போது கழுத்துப் பகுதியில் காயம் ஏற்பட்டது என்று விராட் கோலியின் காயம் குறித்த சந்தேகத்தை பிசிசிஐ உறுதி செய்துள்ளது.



மேலும், காயம் காரணமாக சர்ரே கவுன்ட்டி போட்டியில் விளையாடமாட்டார் என்றும் கூறியுள்ளது. மேலும், அயர்லாந்து மற்றும் இங்கிலாந்து தொடருக்கு முன் குணமடைந்து விடுவார் என்றும், தற்போதில் இருந்து விராட் கோலி பிசிசிஐ மெடிக்கல் குழுவின் கண்காணிப்பில் குணமடைவதற்கான சிகிச்சையை மேற்கொள்வார். அடுத்த மாதம் 15-ந்தேதியில் இருந்து பயிற்சியை தொடங்கி, பிட்னஸ் டெஸ்டிற்கு உட்படுத்தப்படுவார் என்றும் பிசிசிஐ தெரிவித்துள்ளார்.

பிட்னஸ் டெஸ்டில் தேர்ச்சி பெற்றால்தான் இங்கிலாந்து தொடரில் பங்கேற்க இயலும் என்பது குறிப்பிடத்தக்கது. இதனால் விராட் கோலியின் இங்கிலாந்து பயணம் ஜூலை 15-ல் தெரியவரும்.

டெஸ்ட், ஒருநாள் மற்றும் டி20 கிரிக்கெட்டில் 50-க்கு மேல் சராசரி வைத்திருக்கும் ஒரே வீரர் இந்திய அணியின் கேப்டனாக இருக்கும் விராட் கோலிதான். ஆஸ்திரேலியா, தென்ஆப்பரிக்கா, வெஸ்ட் இண்டீஸ் மண்ணில் தனது திறமையை நிரூபித்து விட்டார்.

ஆனால் இங்கிலாந்து மண்ணில் மட்டும் சிறப்பான ஆட்டத்தை வெளிப்படுத்தியது கிடையாது. கடந்த டெஸ்ட் தொடரில் இந்தியா ஐந்து டெஸ்டில் விளையாடியது. அப்போது ஒரு அரைசதம் கூட அடிக்கவில்லை. ஸ்விங் பந்தில் திணறினார். இதனால் இங்கிலாந்து மண்ணில் சிறந்த ஆட்டத்தை வெளிப்படுத்தினால்தான் உலகின் தலைசிறந்த வீரர் என்று கருத முடியும் என முன்னாள் சுழற்பந்து ஜாம்பவான் ஷேன் வார்னே தெரிவித்திருந்தார்.



ஐபிஎல் தொடர் முடிந்தவுடன் இந்தியா இங்கிலாந்து செல்கிறது. அப்போது ஐந்து டெஸ்டில் விளையாடுகிறது. இந்த டெஸ்ட் தொடரில் சிறப்பான ஆட்டத்தை வெளிப்படுத்தும் நோக்கத்தில் விராட் கோலி கவுன்டி போட்டியில் விளையாடுகிறார்.

இந்நிலையில் இங்கிலாந்து விராட் கோலிக்கு நம்பமுடியாத தொடராக இருக்கும் என ஷேர் வார்னே தெரிவித்துள்ளார். இதுகுறித்து ஷேன் வார்னே கூறுகையில் ‘‘இந்தியா முதலில் இங்கிலாந்தை எதிர்கொள்கிறது. விராட் கோலியால் சாதிக்க முடியாத ஒரே இடம் அதுதான். இந்த வருடம் இங்கிலாந்து மண்ணில் அவர் சாதிப்பார். இங்கிலாந்து விராட் கோலிக்கு நம்ப முடியாத தொடராக இருக்கும் என நினைக்கிறேன். இங்கிலாந்தில் அசத்தும் அதே வேகத்துடன் அடுத்து நடைபெறும் ஆஸ்திரேலியா தொடரிலும் அசத்துவார்’’ என்றார்.